LEDICIA COSTAS VISITA O COLEXIO

O pasado xoves os membros dos clubs de lectura gozaron coma nunca xa que recibiron a visita dunha escritora á que lle teñen moito cariño, por algo o primeiro libro que leron no club foi unha publicación súa. 

Falamos de Ledicia Costas que estivo na biblioteca para charlar cos nenos sobre os seus libros.

Dende logo notábase que os rapaces coñecían ben a obra de Ledicia que se mostrou gratamente sorprendida polo nivel que tiñan os lectores do Cruceiro.

Mantiveron un coloquio moi interesante do que deixamos aquí unha pequena pincelada.

ESCRIBIR UN LIBRO LEVA MOITO TEMPO???

A IMPORTANCIA DAS ILUSTRACIÓNS NOS LIBROS DE LEDICIA!!!

OS SEUS FAVORITOS!!!

"JULES VERNE E A VIDA SECRETA DAS MULLERES PLANTA"

O PRÓXIMO LIBRO...

Como estamos no Nadal unha nena preguntoulle a Ledicia se tiña pensado escribir algunha historia relacionada con estas festas e... SORPRESA, resultou que SIIIIIIIII!!!

Ledicia ten algunhas ideas e contounos que os bastoncillos de caramelo típicos desta celebración aparecerían polo libro e ...  SINTOO PERO XA NON PODO DICIR MÁIS, É UN SEGREDO!!! Tanto é así que nin gravamos en vídeo o que Ledicia nos contou sobre esa posible historia.
Teremos que esperar!!!

Aquí vos deixo unhas fotos do coloquio.

-

MOITAS GRAZAS LEDICIA!!!

MANNEQUIN CHALLENGE

Que é o "Mannequin Challenge"?

O reto do Mannequin Challenge consiste en gravar un vídeo con todos os protagonistas inmóbiles, como no medio dunha escea conxelada, igual que se foran maniquíes.

Para que o Mannequin Challenge sexa máis impactante, os participantes terán que valerse do seu enxeño para quedar quedos na postura escollida.

Non sabemos o que andan "argallando" os membros do club de lectura pero están facendo prácticas para facer o seu Mannequin Challenge!!!

Que vos parece o que fixeron?

Eu penso que para ser o primeiro está moi ben pero seguro que poden melloralo!!!

TACHÁAAAAN!!! OS LIBROS SELECCIONADOS PARA OS CLUBS DE LECTURA SON...

APAIXONANTE, CONMOVEDORA, BRILLANTE!! 

Así é a novela de Patrick Ness.
"Un monstro vén a verme" é unha historia emocionante e extraordinaria sobre un neno, a súa nai enferma e o monstro que vén a visitalo.

Sete minutos despois da medianoite, Conor esperta e atópase cun monstro na ventá. Pero non é o monstro que esperaba, o do pesadelo que ten case todas as noites dende que a súa nai comezou o arduo e incansable tratamento.
Non, este monstro é algo diferente, antigo... E quere o máis perigoso de todo: a verdade.

Divertida e conmovedora, esta novela fálanos da nosa dificultade para aceptar a perda e dos lazos tan poderosos que nos unen á vida.

Premio Lazarillo de Creación Literaria 2015

"Jules Verne e a vida secreta das mulleres planta" é unha homenaxe ás novelas de aventuras, unha viaxe no tempo cargada de maxia onde todo é posible. 

O 21 de maio de 1884, Jules Verne chegou a Vigo a bordo do seu impoñente iate.

O afamado novelista levaba moito tempo atrás da pista das misteriosas mulleres planta.
Lograría, por fin, logo de tantos anos de busca, atopalas naquela baía?

Na botica do vello Philipot custódiase un importate segredo: alí, aparentando normalidade, viven a avoa Melisa e Violeta, dúas mulleres rodeadas de misterio.

A chegada de Jules Verne á botica revolucionará as vidas desta singular familia.

O tempo esgótase: a avoa Melisa está enferma e necesitan atopar unha cura. Mais hai ocasións en que non se pode loitar contra a forza da natureza.

QUE BOA PINTA TEÑEN ESTES LIBROS! 

CLUBS DE LECTURA CURSO 2016-2017

QUEREDES LER???

Animádevos e anotádevos nos clubs de lectura deste curso!

Os libros cos que comezaremos son moi interesantes e seguro que pasaredes uns momentos fantásticos gozando da súa lectura.

Do MÉRCORES 19 ao VENRES 21 de OUTUBRO estará aberto o prazo de inscrición na Secretaría.

ANIMÁDEVOS!!!

OS NENOS OPINAN

Representantes dos clubs de lectura opinan sobre a súa experiencia!!!

ATOPÁMONOS NO PRÓXIMO LIBRO!!!

O NOVO LIBRO DOS CLUB DE LECTURA XA ESTÁ NO FORNO...

Os alumnos dos clubs de Lectura xa elexiron o seguinte libro, neste 3º trimestre , repetindo coa autora Ledicia Costas, xa que lle gustou moito o primeiro libro que leron da escritora: “Escarlatina Cociñeira Defunta”.

SINOPSIS DO LIBRO:

O Hotel Fantastique está no medio do Salvaxe Oeste.

 Nas súas cociñas a pequena Esmeraldina é feliz, aprendendo todos os trucos culinarios da man da súa avoa A Tremenda, unha chef de sona mundial.

A vida avanza entre pucheiros ata que un andazo de febre escarlatina acaba coa vida da nena.

 A noticia da súa morte corre como a pólvora entre os habitantes do alén, e empezan a chegar ao hotel defuntos de todas as procedencias, dispostos a instalarse. Esmeraldina necesita aprender a ser unha pantasma de verdade.

Para iso contará coa axuda de Lady Horreur, unha peculiar araña francesa que se converterá na mellor mestra e amiga, e Nicotina, unha vaqueira que teima en levala ao seu novo fogar: o Alén Mundo.

 O Libro de Receitas da Tremenda acompaña esta historia de medo e humor macabro, converténdoa no petisco perfecto para degustar antes ou despois de ler Escarlatina, a cociñeira defunta.

CANTA BICHERÍA!

Os membros do CLUB DE LECTURA visitaron o SALÓN DO LIBRO INFANTIL E XUVENIL de Pontevedra.

Primeiro fixeron un pequeno percorrido polos lugares máis emblemáticos da cidade e logo entraron con moita ansia na maxia do SALÓN DO LIBRO.

CANTA BICHERÍA! é o título do salón deste ano e está ambientado no libro "As peripecias de Extravaganzza Pérez", escrito de manera exclusiva para este evento por Ledicia Costas. 

Ledicia Costas é unha escritora ben coñecida polos membros do noso club xa que un dos libros que leron foi unha obra súa, polo que sabemos que ten moitos fans entre os alumnos.

Aí van unhas fotos para non esquecer un día tan especial!

-

UN NOVO LIBRO PARA OS NOSOS LECTORES!

"O que quero contar empezou unha mañá, tanto ten se era de xaneiro ou se era de abril, porque á historia iso non lle afecta, pero era de xaneiro."

Así comeza o libro que van ler os membros do club de lectura neste trimestre. Atrévense cunha historia de detectives que seguro lles deparará grandes sorpresas.

Coñecerán a Etelvino Chouteiro, detective marsupial, que será o encargado de investigar por que unha estraña epidemia se estende por Australia.

O título é "O DETECTIVE DE NULLARBOR" escrito por Antonio Yáñez Casal e con ilustracións de Dani Padrón. Este libro mereceu o Premio O Barco de Vapor 2013.

Antonio Yañez naceu en Ferrol no 1959. Publicou varias noveliñas, algún conto e unha obra de teatro, e case todos os seus libros recibiron algún premio ou recoñecemento.

Dani Padrón naceu en Ourense no 1983. Chegou á ilustración a través da caricatura e o cómic. Comezou a súa aventura como ilustrador infantil no ano 2011.

FELICES LECTURAS!!!